今日出左三原縣行街參觀~~首先去左城隍廟，之後就食午飯~~~嘩~~超正~~食餃子…..五蚊就有30la~~抵到爛la~~

講返出城既經過~~就係搭d陳舊既巴士~~我都成七、八年無搭過ga la~~開頭都有d驚~但搭耐左都ok安心既~~雖然個樣唔得~但原來性能都唔錯ge~之後去到城隍廟參觀……入面都幾好睇~可能因為有個導遊帶住la~咁我覺得最深刻都係導遊解說炎羅王係陰間審犯同刑罰的情況~~每種罪都有唔同既懲罰，有上“刀”山、落“油”鑊la~~剪“利”根、訓釘床等等，真係好攪野……

參觀完城隍廟之後………就去左參觀教堂丫ma~~真係超搞笑lo~~首先參觀左一間基督教既教堂~~係呢教堂入面我地已經食左好多提子~~我地同張牧師傾完計…聽佢講話原來佢同我地桃李村既馬神父好熟ga wo~~以文化大革命既時候仲係好兄弟添…….係呢度我真係見到宗教的友誼~太神奇la~~係我地未入去之前仲以為係基督教同天主教係唔岩ge~~會互相排斥添…..但原來係陝西係唔會ga~~跟住我地再行左一陣…..搵到間規模較細既天主教教堂~~

嘩!!氣肉黎la~~首先一入到去..我地20人度就已經食左個大西瓜la~~然後大家都諗住唔駛再食la~~因為由我地第一日到村為止…d村民一見到我地就會叫我地食西瓜….西瓜你死都仲得….d西瓜可以平到2~4毫子一斤lo~~好la~~跟住我地參觀完聖堂之後~~臨走之際…….d教友竟然已經買左特大西瓜迫我地食la~~1地已經話唔好切la~~話要走……….但佢唔肯wo…….仲好似連大閘都鎖埋….然後後尾“禁”唔住個女人(教友)….佢就向個大西瓜切左落去la~~跟住既命運就係大家一定要食晒佢lo~~我地將今次呢件事&呢d人稱為西瓜黨….而我地就做左“快閃西瓜黨”la~haha~~呢件事我地一定係勁深刻lo~~因為係陝西兩、三蚊就有個大西瓜la~~佢地又好好客wo…….所以我地經常都要食西瓜~~仲係要1人半個咁滯lo……..d 大西瓜個個都好似冬瓜咁大個ga~~

同埋由於當地無雪櫃……所以所有食物都唔可以留過夜…西瓜亦是一樣…所以我晚晚都要食成半個西瓜先可以訓教lo……..我諗我返到澳門之後絕對唔會再買&食西瓜la~~我記得果日係聖堂我地大概每人都要食4、5舊lo…果陣真係食到想嘔ar~呢句真係好應景ar…“人地出瓜，我地出命”

       今日同尋日都同其他團員分享左好多野~~我都亦同大家講左連日黎既心聲；點解個topic會叫“齊齊哭泣大會”……..因為係尋日既分享會中…..大家都好感觸……….可能大部分都係女仔卦………一個喊開就個個都喊……..我都無喊~~~但係當時都幾感動lo~~因為我真係聽到好多大家連日黎既苦事與樂事~~我地大家都互相扶持同鼓勵~~~果種感覺好正ar~~

      點解大家都咁感動~係因為呢個trip真係俾到大家好多既感覺……..或者我地係呢五、六日既教學已經遇到唔少錯挫…..因為高小以上既年級都好難搞、好曳…令到我地既團員都無晒辦法同教書教得好辛苦…同埋有好多小朋友都係知到我地黎左之後…..就從好遠既村落都走到我地桃李村度上堂lo~~~所以我地既教學量又增加左……加上d小朋友好活躍…so教高小同初中d人比較辛苦lo~~

      而初小d人就太細個……連a~z都未識晒……我地各班原本係澳門時準備既教案都好多都用唔著………我地要立即改變左好多教學內容lo~~~而高中d leave反而國內既學生太高……我地高中d老師仲反而有d被高中同學戲弄既感覺lo…..因為大家d年紀都相約ma~~但anyway……..到左今日大家既教學都開始上左軌道……好左好多la~~^^

       我今日聽到一個好好既比喻，就係有一個巫婆用很多很多的錢問小朋友會唔會賣青春俾巫婆，但最終小朋友都無賣到d青春俾巫婆wo~~故事完了~~但回想返澳門呢喃!!e+正正有很多巫婆向小朋友招手……佢地就係金沙巫婆、永利巫婆同埋澳博巫婆；e+反而係大把小朋友排住隊獻身俾呢d巫婆wo~~萬三蚊一個月就可以賣晒d青春俾果d巫婆la~~~!!

        今日教書都幾順利~咁但係晏晝最開心就係去左睇西瓜田&去埋牛場~~d乳牛真係好正ar~~好壯觀lo~~之後教書就好安然咁度過左la~~其實教書對我黎講幾有壓力ga…..因為教唔同既東西…..我都要先備課~~今日都幾開心~~晚晚做完信仰分享之後都九點半…….返到屋企沖埋涼咁就同叔叔阿姨傾下計lo>……..11點零就訓加la~~因為要五點九起身呀………唉……e+日日都唔夠訓呀~!~

      ※※※特別注意既係.....海星既同學....橙色衫既靚妹係校長最細個女

今日終於開始教書啦~~感覺都幾好~~我同tammy教初小~~~不過今朝早由吳生教美術……所以唔駛我地教書住~~咁下午由tammy講故事~~然後就由我帶game玩左拋物叫名~~好la>…..第一日既課程終於完結左la~~同埋今晚已經係最後一次同自己既家庭一齊食飯la……..我地大家既感覺都好好!!聽日開始我地就會同返其他團員一起食飯lu~~因為我地只係頭三日先會同家庭一齊食飯lo~~

    今日好開心……..同屋企人已經開始熟絡la………..而今日最想同人分享既說話…就係阿振講俾我聽ga~~“我地上課的時候很安靜ga~~因為我地都很珍惜讀書既機會!”、“我地讀高中既目的是考大學”、“我地一班有70多個學生….今年高三既學生一班就有90多個人，座位已經排到出門口那邊，如果坐係中間既同學要去廁所，他來回至少要5分鐘ar~~!”等等呢d說話，都令我反思我們的學習態度~~

     另外~~講下食飯la~~呢度d人食真係好簡單lo…..佢地每日都係食青瓜、饅頭咁lo…..完全唔會有肉食ga~~同我地既飲食習慣完全唔同~~其實真係種反思黎ga~~點解係澳門又可以日日都大魚大肉ga呢??我其實都幾鐘意食佢d餸ga!!餐餐青菜&青瓜咁…都几健康ga~~而係今日晏晝我終於有肥豬肉食啦~仲有米飯添….因為我已經食左兩、三餐既全蔬菜宴同埋佢地餐餐都係饅頭當飯食….我就好唔慣lo!!!而今朝又可以飲到新鮮擠出黎既羊奶……..d奶一d都唔“騷”wo…加左糖仲好好飲添丫~~差d唔記得講佢地原來係食紅豆粥同饅頭就相等於我地食飯一樣咁~~

     阿振真係好好呀…佢份人好純同好乖….今晚佢仲特登夜ma ma爬上樹度搵左隻“蟬殼”俾我ar~~我一定會好好keep住佢ar~

     經過左一晚，其實已經大概知道呢度其實生活都ok~都已經似城市既生活ga la~~之不過我屋企係無電視ge je~所以特別寧靜je~~我e +簡直好似去左個世外桃園咁~吸啖空氣都清新d ga~~我覺得我呢個家庭佢地都几幸福ga!阿爸又識做小買賣(生意)….個女係廣東打工…..仲結埋婚添……個仔又已經升高二la…成績又唔錯…好似話全級有1200幾人，佢就考頭200~400名之間~~同埋佢都好乖同好孝順lo~~吖…….

     我想講每個人都最關注既廁所問題la~~其實真係比我地想像之中好好多ga la~~同埋最緊要屋企果個廁所…算正常ge…有瓦遮頭，不過最尷尬乽只係無間je~~只有一塊布，所以成日都唔知入面有無人….如果唔覺意衝左入去就唔好la~~不過唔緊要la~我已經睇開左la!!同個屎坑真係超原始lo~~不過已經好靚&乾淨ga la~~相比起我其他團友既tolet……因為聽返佢地講.話佢地個廁所係好dirty and 周圍會有好多屎蟲爬黎爬去咁lo~~但我果度最唔方便都無燈&廁所隔離係個豬欄~~so成日都好臭~~但聞慣左己經唔覺係太臭lo~~同埋我想講我仲未去過村入面其他既廁所lo….我都驚驚地ga~~好la…..仲有…今朝望彌撒勁悶(因為我太眼訓la~~朝朝都要5點九起身…六點就要望彌撒)，然後返屋企食左早餐…..再訓返1個鐘頭，再入返聖堂開會，開到中午返屋企食飯，食完飯同屋企人傾左一陣計又再返返去聖堂開會…..下午果陣成班fd係度一齊傾計lo…..

今日終於出發la~~我地搭車去廣州搭飛機……

上飛機la…但一d都唔緊張~~不過架飛真係超窄…….好la~~坐左2個半鐘頭飛機之後就到左西安咸陽機場la~同埋搭車入村…嘩…..入村坐果車簡直係驚險lo….果架車好似係八十年代既車咁…..個行李架係車頂上面果隻lo….架車好似就黎要劏咁ga….好啦…...好在沿途都無咩危險~~果架車d車速又快wo...我幾驚有意外ar~~~好在最後都無事je~~之後入到村個天已經黑晒~~但點知來成條村既村民都已經準備好晒歡我地~~又放炮杖、打鑼打鼓wo~~係果一刻真係超級感動lo…係沿路一直歡呼lo…嘩嘩嘩~~係果一刻真係勁想喊ar..因為我係完全估唔到ga~~到左教堂啦……..跟住神父講話………..講完之後我地就分配房間….我分配到既係呂叔叔一家……原來果條村有好多人都係姓呂ga…而叔叔佢屋企入面有一個仔(佢叫呂振~~)…今年都升高二ga la~~我開頭呀…仲諗住我住個家庭入面全部都係小朋友.完全無諗過係原來家庭既小朋友已經係讀緊高二lo~~同埋其佢地(果條村)都唔係我地想像之中咁貧窮同荒蕪…….落後lo.其實佢度都已經城市化左一半ga la~~

      我將我去陝西教學既2個星期既經歷….感受…....都寫低晒………呢次係我第一次咁樣寫日記ga……雖然有d煩…….但好似e+咁……返到黎澳門之後咁野feel都無晒lu~~~但係呢個trip….真係比我想像之中得到的……多出很多很多……但其實你地無同我一齊經歷過………好難用我既几句說話黎講俾大家聽……..我諗真係要經歷過先會有自己既感受先至係特別深刻lo……….我想同大家講…..你地真係可以去試下呢d trip lo……….因為經歷係自己ga~~~係今次呢個trip真係好開心…..雖然辛苦~~~但自己得到好多野!!!!

    我既目的地係陝西省咸陽市三原縣安樂鎮桃李村....佢係條天主教村落呢ga...真係好神奇呀....入面有個好大既教堂....同埋村入面起碼有95%既人都係信奉天主教ga...而周圍有d村落就信奉基督教咁lo~~